Gumamit ang Carolina Rustica ng Google AdWords, Analytics, Checkout, at Base upang madagdagan ang rate ng conversion nito ng 20% at ang pangkalahatang mga benta ng 50%.

Pagsisimula ng pamumuhay

Hindi naisip ni Richard Sexton ang kanyang sarili bilang isang negosyante, lalo na bilang may-ari ng gallery ng kasangkapan. Ngunit pagkatapos ng MBA at apat na taon sa daigdig ng korporasyon, lalo siyang hindi nakontento sa kanyang karera. Sa wakas, sa panahon ng kanyang pagbibiyahe sa Nepal, nagpasya si Richard na gumawa ng malalaking pagbabago sa kanyang buhay. Sa pagbabalik niya, nagbitiw siya sa kanyang trabaho, bumalik sa kanyang bayang kinalakhan sa North Carolina, at nagbukas ng maliit na tindahan ng mga kasangkapang pantahanan. Pagkatapos, pinag-aralan niya kung paano magbenta ng mga kasangkapang pantahanan.

"Corny kung pakinggan, ngunit isa itong totoong pangitaing 'anong gusto kong gawin sa buhay ko'," sabi ni Richard. "Wala akong anumang karanasan sa pagpapatakbo ng tingiang pagbebenta. Binibenta lang namin kung ano ang gusto namin: isang paghahalo ng mga klasikong American - tulad ng mga wrought iron na kama - at mga import mula sa Asia. Ito ay naging napakatinding pagsubok. O kaya, sa aming kaso, mga pagsubok. May mga mali sa aming landas ng pagkatuto, ngunit mayroon ding mabubuting pagpapasya. Ang pagdadala sa aking alagang parrot na si Magoo sa tanggapan, maagang pag-online, at pagpiling gamitin ang mga produkto ng Google ang tatlo sa aming mahuhusay na pagkilos."

Matatag na marketing

Inilunsad ni Richard ang isang site para sa kanyang tindahan noong 1998 at nagsimulang mag-alok ng ilang mas mahusay na mga binebentang item sa online, gaya ng mga bakal na kama. "Malakas ang mga benta," kanyang pagbabalik-tanaw. "Hindi naglaon at kinailangan namin ng mga nakatuong kawani para sa site, at dahil sa pangangailangan, inilunsad namin ang Carolina Rustica bilang isang nakapag-iisang site noong 2000 upang tumuon sa mga kagamitang bakal. Sa pamamagitan ng Web, nakakaabot kami sa mas malaking madla, at nagsimula kaming mamuhunan sa mga gawain ng marketing na maaring kumonekta sa mga potensyal na customer. Sa paggamit ng kami," dagdag ni Richard nang may ngiti, "ang ibig kong sabihin ay ako."

Kasama ang kanyang kagawaran sa marketing na binubuo ng isang tao, nagbukas si Richard ng Google AdWords account noong 2002 at patuloy na pinapatakbo ang account nang mag-isa. "Nakakita kami ng agarang mga benepisyo mula sa aming pamumuhunan sa AdWords," sabi ni Richard. "Sa paglipas ng panahon, natutunan ko kung paano pinuhin ang pagiging epektibo ng aming mga ad, maingat na pamahalaan ang mga keyword, at maging partikular. Napakasaya ko sa mga resulta. Tumaas ang aming mga benta nang 50 porsyento sa bawat taon. At mukhang mayroong bagong tampok sa tuwing magla-log in ako sa AdWords na tumutulong sa aking mas mahusay na pamahalaan ang aking account."

Pagkatapos ay nag-sign up si Richard sa Google Analytics, ang isang libreng tool na nag-aalok ng malawakang pag-aaral ng isang hanay ng mahahalagang sukatan ng site at gumagana sa AdWords upang masubaybayan kung paano nakararating ang mga bisita at nakikipag-ugnayan sa site ng Carolina Rustica. Ang kumbinasyon ay nagbibigay sa kanya ng kapaki-pakinabang na pananaw sa kung paano mas mabuting buuin ang site at i-convert ang mga bisitang iyon sa mga customer. "Habang nangongolekta kami ng impormasyon, pinipino namin ang aming diskarte at muling binubuo ang aming site batay sa kung anong natutunan namin," sabi ni Richard. "Alam namin ang halaga ng bawat pahina at bawat naihatid na ad ng AdWords, at patuloy namin mapapagbuti ang aming marketing sa kabuuan. Ngayon, nasanay na ako sa ganitong uri ng marketing sapagkat maaari kong masukat ang aking return on investment nang mabilis, at nakatulong itong mapataas ang aming mga rate ng conversion nang 20 porsiyento.”

"Sa ngayon sa AdWords," pagpapatuloy ni Richard, "walang hangganan sa kung magkano ang handa naming gastusin, dahil napakaepektibo nito. Ganoon din ang masasabi ko tungkol sa Analytics, bagama't libre ito."

Pagbuo ng tiwala

Sa proseso ng pagdaragdag ng pinahusay na pagpapaandar sa site ng Carolina Rustica, nagsimulang gumamit si Richard ng Google Checkout, na nag-aalok ng mas mabilis, mas ligtas, at mas maginhawang pagpipilian sa checkout. "Labis na lumago ang checkout," sabi niya. "Itinatampok namin ito sa aming homepage at nakakamangha kung gaano kabilis kaming nakapagsimula at nakapagpatakbo. At kung ang pakikipagtulungan sa AdWords ang pag-uusapan, sa libreng pagpoproseso, wala nang isusulit pa ang Checkout - nakakatipid kami dito."

Nagsimula rin siya kamakailang mag-post ng mga produkto sa pamamagitan ng Google Base, na nakakatulong sa mga taong mahanap ang Carolina Rustica kapag naghahanap sila sa Google. "Talagang gusto ko ang Google Base – madali itong nakakaugnay sa aming gawain sa AdWords. Mayroon kaming dalawang magkahiwalay na feed, isang pambansa at isang lokal, at isa itong mahusay na libreng paraan upang madagdagan ang aming pagkakalantad."

Sa paggamit ng Google AdWords, Analytics, Checkout, at Base nang magkakasama, nakakatipid si Richard ng oras at pera, at nakakagawa ng mga pagpapasya sa marketing na sumusuporta sa kanyang mga customer. "Ang hanay ng mga produkto ng Google ay naging kasing-halaga ng anumang ibang bahagi ng aming negosyo para sa aming tagumpay," pagpapatuloy ni Richard. "Ang kumbinasyon ay nakatulong sa aking magkakasamang iugnay ang kabuuang pagkakasunud-sunod ng mga kaganapan. Mula sa clickthrough, hanggang sa landing page, hanggang sa nabigasyon ng site, hanggang sa pagbili, gusto naming magkaroon ang aming mga customer ng tuloy-tuloy at walang-mintis na karanasan hangga't maaari. Ito ang pinakamahusay na paraan upang maitaguyod ang tiwala ng iyong customer."

Fully furnished

Ang Carolina Rustica ay patuloy na humahanap ng mga bagong paraan upang makapagbigay ng isang karanasan sa pamimiling lalong nagtutulak sa mga customer upang mamili pa, kabilang ang pagdidisenyo ng sarili nitong linya ng kasangkapang pambahay. Ang lahat ng ito ay bahagi ng plano ni Richard na maging isang tagatingi sa maraming channel. "Nagsusumikap kaming pamahalaan ang lumalagong problema ng negosyo, upang muling maipuhunan para sa pag-unlad, at upang maayos ang lahat nang sunod-sunod: mula sa tatlo hanggang apat na supplier at ilang daang SKU hanggang 70 supplier at 15,000 SKU, mula sa isang maliit na pangharap na tindahan hanggang sa isang malaking bodega ng pagpapadala, mula sa pagdepende lamang sa mga supplier hanggang sa pagdadala ng sarili naming linya, at mula sa 100 porsiyento ng aming benta na nagmumula sa mundo ng offline hanggang 85 porsiyentong nagmumula sa mundo ng online."

Pinatunayan ng Carolina Rustica na kahit isang landas tungo sa tagumpay ay tumatakbo mula sa Nepal patungo sa North Carolina, nalalatagan ng bakal, at may kasamang isang loro. "Hindi ko naisip na magiging ganito ang mga bagay,” sabi ni Richard. "Ngunit mayroon kaming palinaw nang palinaw na larawan ng hinaharap, at positibo akong matutulungan kami ng Google na makarating doon."

Download this Case Study as a PDF