Ang CKE Restaurants, Inc. ay naghihimok ng pag-angat ng brand gamit ang Google Analytics.

Negosyo

Ang paglago ng marami na ngayong mga mabilisang-serbisyong restaurant ay isang kwento ng mga sabik na batang negosyante, kabilang ang nagtatag ng CKE Restaurants na si Carl N. Karcher, na naghandog sa America ng mobility at abot-kaya at de-kalidad na pagkain. Itinatag kasabay ng umuusbong na kultura ng sasakyan ng Southern California sa panahon at pagkatapos ng Ikalawang Digmaang Pandaigdig, ang industriya ng mabilisang-serbisyong restaurant ay lumago kasama ang malalawak na highway ng bansa at naging bahagi ng buhay-Amerikano.

Ngayon, ang CKE ay nagpapatakbo ng ilan sa mga pinakasikat na panrehiyong brand sa Estados Unidos pagdating sa mga mabilisang-serbisyong kainan, kabilang ang mga brand ng restaurant na Carl’s Jr., Hardee’s, La Salsa Fresh Mexican Grill, at Green Burrito. Kasama sa CKE system ang mahigit sa 3,200 lokasyon sa 44 na estado at 13 na bansa.

Diskarte

Para sa karamihan sa mga mabilisang-serbisyo na restaurant, ang pagtatatag ng kani-kanilang mga brand gamit ang Internet ay hindi masyadong siniseryoso, ngunit naiiba ang CKE Restaurants. Kabilang ang Internet sa mga nangungunang kasangkapan ng CKE para sa paghihimok ng kamalayan sa brand. Ang mga site ng Carl’s Jr. at Hardee’s ay mga interactive na palaruan para sa mga customer ng CKE na naghahandog ng mga online arcade, patalastas sa TV, interactive na menu, mga tagahanap ng puwesto, at impormasyon ukol sa sustansya ng pagkain. Ang mga site na ito ay nag-aalok din ng mga trailer at video, pati na rin ng sweepstakes at mga pamigay mula sa mga kasosyo tulad ng New Line Cinema, Motorola, at Napster.

Ang pinakamainit na puwesto ng CKE sa Internet, na may 4 na milyong bisita sa loob ng unang tatlong linggo nito, ay ang www.spicyparis.com, tampok ang napakainit-para-sa-telebisyon na patalastas ni Paris Hilton na naghuhugas ng kotse habang kumakain siya ng Spicy Burger ng Carl’s Jr. Tampok din sa site ang mga kuha ni Paris sa likod ng mga eksena, maging ang isang katawa-tawang panggagaya ng mga patalastas ni Paris Hilton na tampok ang sexy na si “Eugene,” na nagpapatunay na ang pagkuha ng tamang talento ang siyang nagdudulot ng malaking pagkakaiba.

"Ang aming layunin ay ilapit ang mga tao sa mga brand ng CKE," sabi ni Dustin Callif, managing director ng interactive marketing agency na Spacedog ng CKE. "Upang matiyak na nakakamit namin ang aming mga layunin, kailangan namin ng access sa mga sukatan gaya ng average na oras na ginugol sa mga website ng CKE, mga bumabalik na bisita at ang kalidad ng pagbisita."

Mayroon nang umiiral na solusyon para sa custom-built na web analytics ang Spacedog, ngunit hindi ito pumasa. "Sa aming lumang analytics at solusyon para sa pag-uulat, maaaring tumagal ito ng ilang minuto sa bawat web page upang itaas maging ang mga pangunahing resulta gaya ng mga pagbisita, page view, at mga pag-click," paliwanag ni Justin Bain, director ng marketing para sa Spacedog. "Gumugugol kami ng lubos na matagal na panahon sa pag-access sa mga ulat kaya nagiging kaunti ang panahon namin upang masuri ang impormasyon."

Dahil nangangailangan ng isang mahusay na gumaganap na serbisyo ng web analytics na may mas maraming kakayahan, ang Spacedog ay nag-sign up para sa Google Analytics. Agad na nakakuha ang ahensya ng pananaw na kailangan nito upang maging mas epektibo ang mga kampanya at promo ng CKE.

Mga Resulta

Naging madali para sa koponan ng Spacedog na masimulan ang paggamit ng Google Analytics, lalo pa't mayroon itong malinis at madaling gamiting interface. "Ang pagkakaroon ng maraming data ay isang bagay, ang magawang maintindihan ito nang malinaw at makita ang mga resulta ay ibang usapan," sabi ni Bain. "Ang Google Analytics ay may isang napakahusay na interface. Gustung-gusto namin at ng CKE ang larawan sa pandaigdigang pagtanaw kung saan nila makikita ang lahat ng mga lugar sa mundo kung saan bumibisita ang mga tao sa kanilang mga site."

Higit pang pagkakalantad, mas mababang gastos

Sa unang ilang linggo ng kampanyang Spicy Paris, humigit-kumulang 50,000 katao ang nag-click sa Spicy Burger coupon, at mahigit sa 60,000 katao ang nag-click sa tagahanap ng restaurant. Higit sa 60,000 katao ang nagpasa ng video ng Spicy Paris sa mga kaibigan. "Ang ganitong uri ng marketing na viral, kung saan ang mga tao ay nagbabahagi at nanonood ng mga video, ay hindi maaari sa telebisyon, at ang pagkakaroon ng ganitong uri ng pagkakalantad sa isang patalastas sa telebisyon ay magkakahalaga nang milyun-milyon," ayon kay Callif.

Na-optimize na disenyo ng website

Batay sa data mula sa Google Analytics, agad na nakita nina Callif at Bain ang mga porsyentong pagbabago sa page view, mga pag-click, at iba pang mga sukatan upang masukat ang tagumpay ng mga kampanya. Kabilang sa pinakamahahalagang sukatan ng koponan ng Spacedog ay ang average na oras na ginugol sa bawat site. Bilang isang system ng mabilisang-serbisyong restaurant, ang CKE ay hindi gaanong interesado sa mga rate ng clickthrough at mas interesado sila sa kung gaano katagal nakikipag-ugnayan ang mga tao sa isa sa mga brand ng CKE. Naituro ng data mula sa Google Analytics ang pinakapatok na larangan ng mga site ng Hardee’s at Carl’s Jr.: ang seksyon ng paglalaro, kung saan ang mga tao ay nakikipag-ugnayan sa mga online na arcade. "Hinala namin na ang paglalaro ang pinakatanyag sa lugar - at sa pamamagitan ng Google Analytics, ay natiyak namin ito, kaya kami ay makakapagdagdag pa ng ibang mga laro upang mapabuti ang karanasan sa site,” ayon kay Bain.

Pinagana ang one-to-one marketing

Tuwing magsa-sign up ang mga bisita sa mga website ng CKE para sa mga sweepstake o promo, nakukuha ng Spacedog ang kanilang impormasyon sa isang database. Mula roon, ang ugnayan sa marketing ay maaaring magsimula sa anyo ng mga newsletter sa email. Ang CKE ay nag-aalok din ng mga coupon sa mga site nito, pati na rin ng tagahanap ng restaurant. Gamit ang Google Analytics, masusubaybayan nina Callif at Bain ang bisa ng bawat isa sa mga diskarteng ito, isang bagay na hindi nagagawa dati.

Nagbibigay-daan din ang Google Analytics na masubaybayan ng Spacedog ang porsyento ng mga bumabalik na pagbisita, na nagbibigay ng isang sukatan ukol sa kita ng buwanang promo. Ang layunin ay humimok pabalik ng mga tao at makumbinsi silang ipasok ang kanilang impormasyon sa database ng CKE. Noong Setyembre 2005, ang data mula sa Google Analytics ay nagsaad ng 20 porsiyentong pagtaas sa mga bumabalik na bisita — at 25 porsiyento ng mga taong pumasok sa mga sweepstakes o pamigay ay nagpasyang sumali sa mga newsletter ng CKE.

Mas mabibilis na mga pananaw

Nang milyun-milyong katao ang nagpunta sa spicyparis.com sa unang tatlong linggo, ang Google Analytics ay gumanap nang walang aberya. "Sa pagkakaproseso ng lahat ng data, lalo na para sa Spicy Paris, naging napakalaking tulong ito upang mabilisang makuha ang data at maisaayos ito ayon sa petsa ng paghahanap, mga pagbisita, mga pag-click at maihambing ang mga hanay ng petsa," ayon kay Bain. "Naalis na namin ang mga napakatagal na pagkakaantalang naranasan namin sa aming nakaraang solusyon."

Isang pundasyon para sa mga pagsusumikap sa marketing sa hinaharap

Bukod sa paglalagay sa mga database ng CKE Restaurants, hinahayaan ng data mula sa Google Analytics ang mga site ng CKE upang magsilbi bilang mga market research lab upang makita kung anong mga tampok ang humihimok ng mas malakas na ingay at mas maraming mga pag-download ng coupon. Ang higit pang mahalaga, nagbibigay ang Google Analytics sa CKE ng eksperimental na lugar para sa hindi tradisyunal na marketing. Maliit pa rin ang web bilang porsiyento ng pangkalahatang badyet sa marketing ng kumpanya, ngunit ang mga gastos sa production at gastos sa bawat impression ay higit na mas mababa kaysa sa TV ."

Para sa maliit na bahagi ng aming pangkalahatang badyet sa media, maaari kaming magkaroon ng malaki-laking presensya sa web," sabi ni Brad Haley, executive vice president at chief marketing officer para sa Carl's Jr. at Hardee's. "At sa susunod na 4 hanggang 10 taon, lilipat ang badyet na iyon sa production at media mula sa tradisyunal patungong hindi tradisyunal, kapag naging pangunahing medium namin ang online na advertising at pagpromo."