Binago ng TCHO ang negosyo ng gourmet na tsokolate sa tulong Google Analytics

Negosyo

Naitatag noong 2006 ng dating Space Shuttle technologist na si Timothy Childs at beterano sa industriya ng tsokolate na si Karl Bittong, gumagawa at nagbebenta ang TCHO ng "nakakaadik na masarap na dark na tsokolate" na nagmula sa mga nagtatanim ng buto ng cacao sa buong mundo. Nagtatrabaho ang kumpanya ng San Francisco bilang "direkta, malinaw na koneksyon sa pagitan ng mga magsasaka at ang mga consumer, mula sa anihan hanggang sa panlasa, mula sa mataas na konsepto hanggang sa kakaibang karanasang senswal."

Nagsimula ang DNA ng negosyo ng TCHO sa mga ideyalismo sa pagsisimula ng Silicon Valley at kultura ng pagkain ng San Francisco. Si Louis Rossetto, nagtaguyod ng Wired magazine, ay ang CEO ng kumpanya. Ang kumpanya ay regular na naglulunsad ng mga limitadong mga edisyon ng "beta" at pagsusuring a/b split taste na nanghihikayat sa mga customer upang magbigay ng puna, sa parehong paraang ang high-tech na mga startup ay naglabas at nanghihingi ng feedback tungkol sa teknolohiya.

Paglikha ng mga May-kaalamang Panatiko

Parehong gumagana ang TCHO.com bilang online na tindahan (na kasalukuyang lamang na paraan na kung saan maaari kang bumili ng tsokolate) at isang paraan upang ikonekta ang mga customer sa mga taong nag-iisip sa TCHO. Ipinaliwanag ni Cash Shurley, IT Director na "ang TCHO ay tungkol sa pagtulong sa iyong maging taong panatikong may-kaalaman, dahil kapag walang konteksto at kahulugan, ang ganap na kasiyahan sa tsokolate ay imposible." Ang pangunahing bahagi ng istratehiyang ito ay gawing madali at nakakatuwa para sa mga customer na magbigay ng feedback sa mga partikular na bunton at edisyon ng tsokolate. "Pagkatapos naming simulan ang paggamit ng Google Analytics noong Pebrero ng 2008, isa sa unang bagay na aming ginawa ay tingnang mabuti kung gaano katagumpay na nahahanap at gumagamit ng mga tao ang aming pahina ng feedback. Nagawa naming bahagyang ilipat ang mga bagay at sa pamamagitan ng ilang mga pag-eksperimento at pagsubaybay sa mga ulat sa Google Analytics, nalaman namin kung paano manghikayat ng marami pang mga feedback."

Binibigyang-diin ng TCHO ang impormasyon at pagbibigay-kaalaman sa mga customer. "Mahalaga para sa amin ang pagsubaybay sa mga benta sa site, ngunit interesado rin kami sa pagsubaybay kung ano ang binabasa sa loob ng aming tindahan at mga environment ng blog," sabi ni Cash. "Sa pamamagitan ng aming mga video, aming blog, at lahat ng iba pa sa aming site, ikinasisiya namin ang pagbabahagi ng aming pagkasabik tungkol sa kung anong ginagawa namin. Ngunit mahalagang mahanap ang pinakamahusay na paraan upang maabot ang aming mga customer -- upang makita kung saan sila nagtatagal sa site, malaman kung pinapanood nila ang mga video, at nauunawaan kung anong mga bahagi ng site ang pinakasikat at hindi." Natuklasan ng TCHO na ang Google Analytics ay isang madaling paraan upang makuha ang impormasyong ito at maibahagi ito sa ibang mga nasa kumpanya.

Estilo sa Pagsisimula

Natuklasan ng koponan sa marketing at web sa TCHO kapaki-pakinabang ang Google Analytics para sa pagtukoy ng mga online na hakbanging nagbibigay ng pinakamalaking return on investment. Ang koponan ay regular na tumitingin sa Lahat ng Pagmumulan ng Trapiko at mga ulat sa Nagpapakilalang Site upang tumutok sa mga bagong mapagkukunan ng trapiko. "Tinitingnan namin ang lahat ng mga bagay na aming ginagawa, at sinisikap na magawa ito ng mas mahusay, kaya gustung-gusto naming gamitin ang Google Analytics bilang aming mekanismo sa pagbibigay-puna," sabi ni Mag Donaldson, Director of Marketing. Nagpatuloy siya sa pagpapaliwanag na ang paglikha ng mga filter na kanilang kinakailangan upang magbukod ng trapiko mula sa ilang mga IP address sa kanilang mga ulat ay lubos na napakadali anupat hindi na niya kinakailangan ang kanyang webmaster upang gawin ito para sa kanya. "Hindi mo na kailangang maging taong bihasa sa IT o maging dalubhasa sa web analytics upang magamit ito. Mahalaga iyon dahil kami ay maliit na kumpanya at lahat kami ay dapat na maging mga bihasa sa lahat ng bagay. Ang kakayahang agad na makapunta sa mga ulat nang magkasama at makatuklas agad ng bagong impormasyon ay mahalaga."

Binabago ang Lahat

Patuloy ang pagbabago sa TCHO. Ipinaliwanag ni Cash na ang TCHO.com website ay muling ide-desenyo at ilulunsad ito sa bagong platform. "Nagsisimula pa lamang kami sa paggamit ng Google Analytics upang subaybayan ang mga conversion sa sales at click-through at inaasahan kong higit pa kaming matututo sa aming pagpapatuloy."

Sinabi ng CEO na si Louis Rossetto "Pinagtuunan namin ang bawat aspeto ng negosyo na ito. Paano ka mag-innovate -- hindi lamang ang proseso sa paggawa ng tsokolate subalit ang negosyo bilang pangkalahatan? Makikita mo ang tamang tao at ang mga tamang tool at kasangkapan. Kung kaya, perpekto ang Google Analytics para sa nagsisimulang tulad namin at nakakatulong sa koponan sa web at marketing na maisagawa ang isa aming mga pangunahing paniniwala -- ang magsagawa ng pagbabago and walang tigil na pagpapabuti."