Ang mga sumusunod ay ang mga tuntunin at kundisyon para sa paggamit sa serbisyo ng Google Analytics na inilalarawan dito (ang "Serbisyo") sa pagitan ng Google Inc. at ikaw (bilang isang tao o legal na institusyon na kinakatawan mo bilang isang pinahihintulutang empleyado o ahente) ("Ikaw"). Pakibasang mabuti ang mga ito. SA PAMAMAGITAN NG PAG-CLICK SA BUTTON NA "TINATANGGAP KO", PAGKUMPLETO SA PROSESO NG PAGPAPAREHISTRO AT/O PAGGAMIT NG SERBISYO, IPINAPAHAYAG MO NA KARAPAT-DAPAT KANG MAGKAROON NG ACCOUNT AT SUMASANG-AYON KANG MAGPATALI SA LAHAT NG TUNTUNIN AT KUNDISYON NG SERBISYO ("KASUNDUAN"). Iniaalok sa iyo ang Serbisyo batay sa iyong pagtanggap nang walang pagbabago sa mga tuntunin, kundisyon, at notice na nakapaloob dito.

1. MGA KAHULUGAN

Ang "Account" ay tumutukoy sa account sa pagsingil para sa Serbisyo. Pagsasama-samahin ang mga Page View ng lahat ng Profile na naka-link sa isang Site bago tukuyin ang singilin para sa Serbisyo para sa Site na iyon.

Ang "Customer Data" ay nangangahulugang ang data na tungkol sa mga katangian at aktibidad ng mga bisita sa iyong website na nakakalap sa pamamagitan ng paggamit sa UTM at pagkatapos ay ipinapasa sa mga Server at sinusuri ng Processing Software.

Ang "Dokumentasyon" ay tumutukoy sa anumang kasamang pinagmamay-ariang dokumentasyon na ginawang available sa Iyo ng Google para magamit sa Processing Software, kabilang ang anumang dokumentasyong available online o sa ibang paraan.

Ang "Page View" ang yunit ng pagsukat para sa paggamit sa Serbisyo. Ginagamit ang Page View kapag pinapagana ang UTM sa web page na ina-access ng isang bisita, at pinoproseso bilang bahagi ng isang Profile. Makakamit ang isang Page View para sa bawat UTM sa web page, at para sa bawat Profile na tumatanggap ng impormasyon mula sa UTM para sa gayong web page.

Ang "Processing Software" ay tumutukoy sa pinagmamay-ariang Software ng Google Analytics at anumang pag-upgrade sa ganoon, na nagsusuri sa Data ng Customer at gumagawa ng Mga Ulat.

Ang "Profile" ay tumutukoy sa pagkolekta ng mga setting na sama-samang nagtatakda ng impormasyon na isasama, o hindi isasama, sa isang partikular na Ulat. Halimbawa, maaaring magtaguyod ng Profile upang tingnan ang maliit na bahagi ng web site bilang isang natatanging UIat. Maaaring magkaroon ng maramihang Profile na itinaguyod sa ilalim ng isang Site.

Ang "Ulat" ay tumutukoy sa nagreresultang pagsusuri na ipinapakita sa www.google.com/intl/tl/analytics (o sa gayong iba pang URL na maaaring ibigay ng Google paminsan-minsan) para sa isang indibidwal na profile. Nagbabagu-bago ang bilang ng mga chart, graph, at istatistika na nakapaloob sa isang Ulat batay sa edisyon ng Serbisyo.

Ang "UTM" ay tumutukoy sa pinagmamay-ariang Code sa Pagsubaybay ng Google Analytics, na ini-install sa isang web page para sa layuning kumalap ng Data ng Customer, kasama ang anumang mga pagsasaayos, pag-update at pag-upgrade na ibinibigay sa iyo (sama-sama, ang "UTM").

Tinutukoy ng "Mga Server" ang mga server na kinokontrol ng Google (o ng mga ganap na pag-aaring subsidiary nito) kung saan iniimbak ang Processing Software at Data ng Customer.

Tinutukoy ng "Site" ang isang pangkat ng mga web page na naka-link sa isang Account at gumagamit ng parehong UTM. Bawat Site ay binubuo ng isang default na Profile na sumusukat sa lahat ng pahina sa loob ng Site. Maaaring magtaguyod ng mga karagdagang Profile sa ilalim ng isang Site upang masuri nang mas detalyado ang mga subsection ng isang Site.

Tinutukoy ng "Software" ang UTM at ang Processing Software.

2. MGA BAYARIN AT SERBISYO . Sumasailalim sa Seksyon 15 dito, ibinibigay ang Serbisyo nang walang singilin sa Iyo nang hanggang 10 milyong pageview bawat buwan, bawat account.

Maaaring baguhin ng Google ang mga patakaran sa mga bayarin at pagbabayad nito para sa Serbisyo nang paminsan-minsan kabilang ang, ngunit hindi limitado sa pagdaragdag ng mga halaga para sa heyograpikong data, pag-import ng data ng halaga mula sa mga search engine, o iba pang bayaring sinisingil ng Google o mga ganap na pag-aaring subsidiary nito ng mga 3rd party na vendor para sa pagsasama ng data sa mga ulat sa Serbisyo. Magkakabisa ang mga pagbabago sa mga patakaran sa mga bayarin o pagbabayad sa oras ng pagtanggap Mo ng gayong mga pagbabago na ipo-post sa www.google.com/intl/tl/analytics (o sa gayong iba pang URL na maaaring ibigay ng Google nang paminsan-minsan). Maliban na lamang kung isinasaad, kino-quote sa U.S. Dollar ang lahat ng bayarin. Agarang sisingilin ang anumang natitirang balanse at isasama sa halagang dapat bayaran ang bayarin sa oras ng pagtatapos ng Kasunduang ito para sa anumang dahilan at anumang gastusin sa pagkolekta (kabilang ang mga bayarin sa abugado) na nakamit ng Google, at maaaring singilin sa credit card o iba pang mekanismo sa pagsingil na nauugnay ng iyong Adwords account.

3. ACCOUNT NG MIYEMBRO, PASSWORD, AT SEGURIDAD . Upang magparehistro para sa Serbisyo, kailangan Mong kumpletuhin ang proseso ng pagpaparehistro sa pamamagitan ng pagbibigay sa Google ng kasalukuyan, kumpleto at tumpak na impormasyon gaya ng hinihingi ng form sa pagpaparehistro, kabilang ang Iyong e-mail address (username) at password. Dapat Mong protektahan ang iyong mga password at ganap na akuin ang responsibilidad para sa paggamit Mo at ng third party sa Iyong mga account. Ikaw ang tanging may pananagutan para sa anuman at sa lahat ng aktibidad na nagaganap sa ilalim ng Iyong Account. Sumasang-ayon Ka na i-notify kaagad ang Google sa oras na makaalam ka ng anumang hindi pinahihintulutang paggamit ng Iyong Account o anumang paglabag sa seguridad. Paminsan-minsan, maaaring mag-log in ang mga kawani sa suporta ng Google (o ng mga ganap na pag-aaring subsidiary nito) sa Serbisyo sa ilalim ng Iyong password ng customer upang mapanatili o mapahusay ang serbisyo, kabilang ang pagbibigay sa iyo ng tulong sa mga isyu na pangteknikal o sa pagsingil. Sa pamamagitan nito, tinatanggap at pinapayagan mo ang gayong pag-access.

4. HINDI EKSKLUSIBONG LISENSIYA . Sa pamamagitan nito, pinagkakalooban Ka ng Google ng limitado, nababawi, hindi eksklusibo, hindi maaaring i-sublicense na lisensiya para mag-install, kumopya at gumamit ng UTM kung kinakailangan lamang upang magamit ang Serbisyo para sa isa o higit pang mga web page na Iyong pag-aari at kinokontrol (sama-sama, ang "Website"). Sumasailalim sa mga tuntunin at kundisyon ng Kasunduang ito, maaari Mong malayuang i-access, tingnan at i-download ang Iyong mga Ulat na iniimbak sa www.google.com.ph/intl/tl/analytics (o sa gayong iba pang URL na maaaring ibigay ng Google paminsan-minsan). Ang Iyong lisensiya ng, paggamit ng at pag-access sa Software at sa Serbisyo (na maaaring magsama, nang walang limitasyon, ng Software, Dokumentasyon at mga Ulat) ay nakakundisyon sa Iyong pagsunod sa mga tuntunin at kundisyon ng Kasunduan, kabilang ang mga sumusunod:

Hindi Ka papayag o hindi Mo papayagan ang anumang third party na (i) kopyahin, baguhin, i-akma, i-translate o kung hindi man ay lumikha ng mga hinango sa Software o sa Dokumentasyon; (ii) balikan ang pag-engineer, i-de-compile, kalasin o kung hindi man ay tangkaing tuklasin ang source code ng Software, maliban kung hayagang pinahihintulutan ng batas na umiiral sa hurisdiksyong sumasaklaw kung nasaan Ka; (iii) parentahan, paupahan nang matagal, ibenta, italaga o kung hindi man ay ilipat ang mga karapatan sa o patungo sa UTM, sa Processing Software, sa Dokumentasyon o sa Serbisyo; (iv) mag-alis ng anumang mga pinagmamay-ariang notice o label sa Software o inilagay ng Serbisyo; o (v) gumamit, mag-post, magpadala o magpasok ng anumang device, software o pamamalakad na nakahahadlang o nagtatangkang humadlang sa pagpapatakbo ng Serbisyo o ng Software. Gagamitin Mo lamang ang Software, Serbisyo at mga Ulat para sa Iyong pansariling paggamit, at hindi gagawing available ang Software o Serbisyo para sa paggamit ng timesharing, tagapagbigay-serbisyo sa application o kagawaran sa serbisyo. Susunod Ka sa lahat ng naaangkop na batas at regulasyon sa Iyong paggamit at pag-access sa Dokumentasyon, Software, Serbisyo at Mga Ulat.

Agad na wawakasan ang lisensiyang ito kung mabigo Kang sumunod sa mga tuntunin ng Kasunduang ito. Sa gayong pagwawakas, dapat Mong sirain ang lahat ng orihinal at kopya ng UTM na nasa Iyong pagmamay-ari at patunayan nang pasulat sa Google sa loob ng tatlong (3) araw na may pasok ng pagwawakas at itigil ang anumang paggamit pa sa Serbisyo nang walang hayag na pasulat na pahintulot ng Google.

5. PAGIGING KUMPEDENSYAL . Kabilang sa "Kumpedensyal na Impormasyon" ang anumang pinagmamay-ariang data at anumang iba pang impormasyon na ibinunyag nang pasulat ng isang partido sa kabilang partido at minarkahang "kumpedensyal" o ibinunyag nang pasulat at, sa loob ng limang araw na may pasok, ay ginawang pasulat at minarkahang "kumpedensyal". Sa kabila ng mga naunang nabanggit, hindi kabibilangan ang Kumpedensyal na Impormasyon ng anumang impormasyon na alam na o nalalaman ng pangkalahatang publiko, na hawak na ng partidong tumatanggap bago ang pagbubunyag ng isang partido o na kusang ginawa ng partidong tumatanggap nang hindi gumagamit ng Kumpedensyal na Impormasyon. Hindi gagamitin o ibubunyag ng alinmang partido ang Kumpedensyal na Impormasyon ng kabilang partido nang walang paunang pasulat na pahintulot maliban sa layunin ng pagganap sa mga obligasyon nito sa ilalim ng Kasunduang ito o kung hinihingi ng batas, regulasyon o utos ng hukuman. Sa ganitong sitwasyon, bibigyan ng partidong napipilitang magbunyag ng Kumpedensyal na Impormasyon ang kabilang partido ng pinakamaraming notice na praktikal na makatwiran bago ibunyag ang gayong impormasyon. Sa pagtatapos ng Kasunduang ito, agad na isasauli o sisirain ng mga partido ang lahat ng Kumpedensyal na Impormasyon at, kapag hiniling, magbibigay ng nakasulat na pagpapatunay na ganoon nga ang ginawa. Ikaw ang responsable sa pagbabantay sa pagiging kumpedensyal ng Iyong (mga) password at (mga) user name na ibinigay sa Iyo ng Google, at sa anumang paggamit o maling paggamit ng Iyong account na sanhi ng anumang paggamit ng third party ng password o user name na ibinigay sa Iyo. Sumasang-ayon Ka na i-notify kaagad ang Google sa oras na makaalam ka ng anumang hindi pinahihintulutang paggamit ng Iyong Account o anumang paglabag sa seguridad na Iyong nalalaman.

6. MGA KARAPATAN SA IMPORMASYON AT PUBLICITY . Maaaring panatilihin at gamitin ng Google at ng mga ganap na pag-aaring subsidiary, sa ilalim ng mga tuntunin Patakaran sa Privacy nito (matatagpuan sa http://www.google.com.ph/intl/tl/privacy.html , o ng gayong iba pang URL na maaaring ibigay ng Google sa paminsan-minsan), ang impormasyong nakalap sa Iyong paggamit ng Serbisyo. Hindi magbabahagi ang Google ng impormasyong may kaugnayan sa Iyo o sa iyong Site sa anumang third party maliban kung (i) hawak ng Google ang Iyong pahintulot; (ii) napagpasyahan ng Google na kinakailangan iyon ng batas o may mainam na paniniwalang ang pag-access, pagpapanatili o pagbubunyag ng gayong impormasyon ay makatuwirang kinakailangan upang protektahan ang mga karapatan, pag-aari o kaligtasan ng Google, ng mga user nito o ng publiko; o (iii) ibibigay ng Google ang gayong impormasyon sa ilang limitadong pagkakataon sa mga third party upang maisagawa ang mga gawain sa ngalan ng Google (hal., pagsingil o pag-iimbak ng data) na may matinding paghihigpit na umiiwas na magamit o maibahagi ang data maliban kung iniutos ng Google . Kapag natapos na ito, sasailalim ito sa mga kasunduan na umoobliga sa mga partidong iyon na iproseso ang gayong impormasyon ayon lamang sa mga tagubilin ng Google alinsunod sa Kasunduang ito at mga naaangkop na hakbang sa pagiging kumpedensyal at seguridad.

7. PRIVACY . Hindi Mo (at hindi papayagan ang anumang third party na) gagamitin ang Serbisyo upang sumubaybay o kumolekta ng personal na nakakapagpakilalang impormasyon ng mga user sa Internet, at hindi Ka (o hindi Mo papayagan ang anumang third party na) mag-uugnay ng anumang data na nakalap mula sa Iyong (mga) website (o sa (mga) website ng gayong mga third party) sa anumang personal na nakakapagpakilalang impormasyon mula sa anumang pinagmumulan bilang bahagi ng Iyong paggamit (o ng paggamit ng gayong mga third party) ng Serbisyo. Magkakaroon at susunod Ka sa isang naaangkop na patakaran sa privacy at susunod sa lahat ng naaangkop na batas patungkol sa pagkolekta ng impormasyon mula sa mga bisita sa Iyong mga website. Dapat kang mag-post ng patakaran sa privacy at dapat magbigay ang patakarang iyon ng notice sa iyong paggamit ng cookie na nangongolekta ng data ng hindi kilalalang trapiko.

8. BAYAD-PINSALA . Sumasang-ayon kang managot, palabasing hindi nakapipinsala at ipagtanggol ang Google at ang mga ganap na pag-aaring subsidiary nito, sa Iyong sariling gastos, sa anuman at lahat ng paghahabol, pagkilos, paglilitis, at demanda ng third party na inihain laban sa Google o sa sinuman sa mga opisyal, direktor, empleyado, ahente o mga affiliate nito, at lahat ng nauugnay na pananagutan, pinsala, areglo, parusa, multa, halaga o gastusin (kabilang, nang walang limitasyon, ang makatwirang bayarin sa mga abugado at iba pang gastusin sa paglilitis) na nakamit ng Google o ng sinuman sa mga opisyal, direktor, empleyado, ahente o affiliate nito, na dulot ng o may kinalaman sa (i) Iyong paglabag sa anumang tuntunin o kundisyon ng Kasunduang ito, (ii) Iyong paggamit ng Serbisyo, (iii) Iyong mga paglabag sa mga naaangkop na batas, panuntunan o regulasyon na kaugnay ng Serbisyo, o (iv) mga tampok ng Iyong brand. Sa ganitong sitwasyon, bibigyan Ka ng Google ng nakasulat na notice ng gayong habol, demanda o pagkilos. Dapat kang ganap na makipagtulungan tulad nang makatuwirang kinakailangan sa pagtatanggol sa anumang habol. Inilalaan ng Google ang karapatan, sa pananagutan nito, na akuin ang eksklusibong pagtatanggol at pagkontrol sa anumang bagay na napapasailalim sa Iyong pagbabayad-pinsala.

9. MGA THIRD PARTY. Kung magbigay Ka ng access sa Iyong Account o anumang bahagi nito sa anumang third party o ginamit ang Serbisyo para mangolekta ng impormasyon sa ngalan ng anumang third party ("Third Party"), pinahintulutan Ka man na gawin iyon o hindi ng Google o ng mga ganap na pag-aaring subsidiary nito, naaangkop sa Iyo ang mga tuntunin ng Seksyon 9 na ito.

Kung ginamit Mo ang Serbisyo sa ngalan ng anumang Third Party, kinakatawan at ginagarantiya Mo na (a) pinahihintulutan Kang kumilos sa ngalan, at magpasaklaw sa Kasunduang ito, ng Third Party na iyon, (b) sa pagitan ng Third Party at Ikaw, ang Third Party ang magmamay-ari ng anumang karapatan sa Data ng Customer sa naaangkop na account, at (c) hindi Mo dapat ibunyag ang Data ng Customer ng Third Party sa anumang iba pang partido nang walang pahintulot ng Third Party.

Dapat Mong tiyakin na ang bawat Third Party ay nasasaklawan at sumusunod sa mga tuntunin ng Kasunduang ito. Ang Google at ang mga ganap na pag-aaring subsidiary nito ay walang ginagawang mga pagkatawan o garantiya para sa direkta o hindi direktang pakinabang ng anumang Third Party. Patungkol sa mga Third Party, dapat mong isagawa ang lahat ng hakbang na kinakailangan upang itanggi ang anuman at ang lahat ng pagkatawan o paggarantiya na maaaring mag-ugnay sa Google at sa mga ganap na pag-aaring subsidiary nito, sa Serbisyo, sa Software o sa Mga Ulat, o paggamit nito. Sumasang-ayon kang managot, palabasing hindi nakapipinsala at ipagtanggol ang Google at ang mga ganap na pag-aaring subsidiary nito, sa Iyong sariling gastos, sa anuman at lahat ng paghahabol, pagkilos, paglilitis, at demanda ng third party na inihain laban sa Google o sa sinuman sa mga opisyal, direktor, empleyado, ahente o mga affiliate nito, at lahat ng nauugnay na pananagutan, pinsala, areglo, parusa, multa, halaga o gastusin (kabilang, nang walang limitasyon, ang makatwirang bayarin sa mga abugado at iba pang gastusin sa paglilitis) na nakamit ng Google o ng sinuman sa mga opisyal, direktor, empleyado, ahente o affiliate nito, na dulot ng o may kinalaman sa (a) anumang pagkatawan at garantiyang Iyong ginawa patungkol sa anumang aspeto ng Serbisyo, ng Software o ng Mga Ulat sa mga Third Party; (b) anumang mga habol na ginawa ng o sa ngalan ng anumang Third Party na direkta o hindi direktang nag-uugnay sa Iyong paggamit ng Serbisyo, ng Software o ng Mga Ulat; (c) mga paglabag sa Iyong mga obligasyon sa privacy sa anumang Third Party; at (d) anumang mga habol na may kinalaman sa mga pagkilos o pagtatanggal ng mga Third Party kaugnay ng mga Serbisyo, ng Software o Mga Ulat.

10.DISCLAIMER SA MGA GARANTIYA . Ang impormasyon at mga serbisyong kabilang sa o available sa pamamagitan ng Serbisyo, kabilang ang mga Ulat, ay maaaring kabilangan ng mga hindi tumpak na impormasyon o mga typographical na error. Idinaragdag paminsan-minsan ang mga pagbabago sa impormasyong nakapaloob dito. Ang Google at/o mga kaukulang supplier nito ay maaaring magsagawa ng mga pagpapabuti at/o pagbabago sa Serbisyo o Software anumang oras, nang mayroon o walang notice. Hindi kinakatawan o ginagarantiya ng Google na hindi maaantala o walang error ang Serbisyo, na maitatama ang mga depekto,o na walang virus o iba pang mapaminsalang bahagi ang Serbisyo, ang Software o anumang iba pang software sa Server. Hindi ginagarantiya o kinakatawan ng Google na magiging tama, tumpak, napapanahon o kung hindi man ay maaasahan ang paggamit ng Serbisyo o ng Mga Ulat. Partikular Kang sumasang-ayon na ang Google at ang mga ganap na pag-aaring subsidiary nito ay hindi mananagot sa hindi pinahihintulutang pag-access o pagbago sa Data ng Customer o sa data mula sa Iyong Website.

ANG SERBISYO, ANG SOFTWARE AT ANG MGA ULAT AY IBINIBIGAY "NA GANITO" AT WALANG MGA GARANTIYA, HABOL O PAGKATAWANG GINAWA ANG GOOGLE AT/O MGA SUBSIDIARY AT MGA AFFILIATE NITO, MAGING HAYAG, IPINAHIHIWATIG, O ALINSUNOD SA BATAS, KAUGNAY NG SERBISYO, NG SOFTWARE, NG DOKUMENTASYON AT NG MGA ULAT, KABILANG ANG MGA GARANTIYA SA KALIDAD, PAGGANAP, HINDI PAGLABAG, KAKAYAHANG MAIPAGBILI, O KAANGKUPAN PARA SA PARTIKULAR NA LAYUNIN, O WALA RING ANUMANG MGA GARANTIYANG GINAWA SA PAMAMAGITAN NG PANGANGASIWA, SA PAMAMAGITAN NG PAGGANAP, O PAGGAMIT SA INDUSTRIYA. HINDI GINAGARANTIYA NG GOOGLE NA ANG SERBISYO, ANG SOFTWARE O ANG MGA ULAT AY MAKAKATUGON SA IYONG MGA PANGANGAILANGAN O WALANG MGA ERROR, O NA HINDI MAAANTALA ANG PAGPAPATAKBO NG SERBISYO. ANG MGA NAUNANG NABANGGIT NA PAGBUBUKOD AT DISCLAIMER AY MAHALAGANG BAHAGI NG KASUNDUANG ITO AT BUMUBUO SA BATAYAN UPANG MATUKOY ANG PRESYONG SINISINGIL PARA SA SERBISYO. HINDI PINAPAYAGAN NG ILANG ESTADO ANG PAGBUBUKOD NG IPINAHIHIWATIG NA GARANTIYA, KUNG KAYA MAAARING HINDI NAAANGKOP SA IYO ANG DISCLAIMER NA ITO.

11. LIMITASYON NG PANANAGUTAN . ANG GOOGLE AT ANG MGA GANAP NA PAG-AARING SUBSIDIARY NITO AY HINDI MANANAGOT SA USER O SA SINUMANG NAGHAHABOL NA THIRD-PARTY PARA SA ANUMANG HINDI DIREKTA, ESPESYAL, MAPAGPARUSA, BUNGA NG (KABILANG ANG, NANG WALANG LIMITASYON, MGA NAWALANG TUBO O NAWALANG DATA NA NAKOLEKTA SA PAMAMAGITAN NG SERBISYO), O MGA HINDI SINASADYANG PAGKASIRA, BATAY MAN SA PAGHAHABOL O PAGKILOS NG KONTRATA, GARANTIYA, KAPABAYAAN, MAHIGPIT NA PANANAGUTAN, O IBA PANG KAGAGAWANG NAKAPINSALA, PAGLABAG SA ANUMANG TUNGKULING ITINAKDA NG BATAS, BAYAD-PINSALA O AMBAG, O SA IBANG PARAAN, KAHIT NA NAIPAGBIGAY-ALAM SA GOOGLE AT/O SA MGA SUBSIDIARY AT AFFILIATE NITO ANG POSIBILIDAD NG GAYONG MGA PINSALA. ANG PAGBUBUKOD NA NAKAPALOOB SA TALATANG ITO AY IPATUTUPAD NANG WALANG KINALAMAN SA KABIGUAN NG EKSKLUSIBONG PAGLUTAS NA IBINIBIGAY SA SUMUSUNOD NA TALATA. HINDI PINAPAYAGAN NG ILANG ESTADO ANG LIMITASYON O PAGBUBUKOD NG PANANAGUTAN PARA SA MGA PAGKASIRANG HINDI INAASAHAN O SINASADYA, KUNG KAYA MAAARING HINDI NAAANGKOP SA IYO ANG MGA LIMITASYON O PAGBUBUKOD NA NARITO AT SA NAUNANG TALATA.

Hindi lalagpas sa U.S. $500 ang kabuuang naipong pananagutan ng Google (at ng mga ganap na pag-aaring subsidiary nito) sa Iyo o sa anumang iba pang partido para sa anumang pagkawala o pagkasira na ibinunga ng anumang paghahabol, demanda, o pagkilos na nagmula sa o nauugnay sa Kasunduang ito.

12. MGA ANTAS NG SERBISYO . Hindi ginagarantiya ng Google na magagamit ang Serbisyo sa lahat ng oras o habang may anumang down time na (1) sanhi ng pagkaputol sa anumang pampublikong Internet backbone, network o server, (2) sanhi ng anumang pagpalya ng Iyong kagamitan, system o mga lokal na serbisyo sa pag-access, (3) para sa naunang nakatakdang pagpapanatili o (4) kaugnay ng mga kaganapang hindi kontrolado ng Google (o ng mga ganap na pag-aaring subsidiary nito) gaya ng mga strike, riot, pag-aaklas, sunog, baha, pagsabog, giyera, pagkilos ng pamahalaan, kundisyon sa paggawa, mga lindol, natural na sakuna, o mga pagkaantala sa mga serbisyo sa Internet sa isang bahagi kung saan matatagpuan o kasamang matatagpuan ang Google (o ang mga ganap na pag-aaring subsidiary nito) o ang Iyong mga server. Hindi rin ginagarantiya ang ganap na katumpakan sa lahat ng aspeto ng Iyong Mga Ulat sa lahat ng pagkakataon.

13. ABISO SA MGA PINAGMAMAY-ARIANG KARAPATAN . Ang Serbisyo, na kinabibilangan ng, ngunit hindi limitado sa UTM at sa Google Analytics Software at lahat ng intelektuwal na karapatan sa pag-aari sa Serbisyo ay, at mananatiling, pag-aari ng Google (at ng mga ganap na pag-aaring subsidiary nito). Ang lahat ng karapatan sa at sa Processing Software na hindi hayag na ipinagkaloob sa Iyo sa Kasunduang ito ay hayag na inilalaan at pinananatili ng Google at ng mga tagapaglisensiya nito nang walang mga paghihigpit, kabilang, nang walang limitasyon, ang karapatan ng Google (at ng mga ganap na pag-aaring subsidiary nito) sa iisang pagmamay-ari ng Software at Dokumentasyon ng Google Analytics. Nang hindi nililimitahan ang kaangkupan sa pangkalahatan ng mga naunang nabanggit, sumasang-ayon Kang hindi (at hindi payagan ang anumang third party na): (a) i-sublicense, ipamahagi, o gamitin ang Serbisyo nang wala sa saklaw ng Lisensiyang ipinagkakaloob dito; kopyahin, baguhin, i-akma, i-translate o kung hindi man ay lumikha ng mga hinango sa Software o sa Dokumentayon; (b) balikan ang pag-engineer, i-de-compile, kalasin o kung hindi man ay tangkaing alamin ang source code o mga lihim sa industriya na kaugnay ng Serbisyo; (c) gamitin ang mga trademark, trade name, marka sa serbisyo, logo, pangalan ng domain at iba pang mga katangi-tanging tampok ng brand o ng anumang copyright o iba pang pinagmamay-ariang karapatang kaugnay ng Serbisyo para sa anumang layunin nang walang hayag na nakasulat na pahintulot ng Google; (d) iparehistro, tangkaing iparehistro, o tulungan ang sinumang tao na iparehistro ang anumang trademark, trade name, marka sa serbisyo, logo, pangalan ng domain at iba pang katangi-tanging tampok ng brand, copyright o iba pang pinagmamay-ariang karapatang kaugnay ng Google (o ng mga ganap na pag-aaring subsidiary nito) maliban sa pangalan ng Google (o ng mga ganap na pag-aaring subsidiarya nito, gaya ng maaaring mangyari); o (e) alisin, takpan, o baguhin ang anumang notice sa copyright, trademark, o iba pang pinagmamay-ariang karapatang lumilitaw o nasa anumang item na kasama ng Serbisyo.

14. MGA KARAPATAN NG PAMAHALAAN NG U.S. . Kung ang paggamit ng Serbisyo ay nakakamit ng o sa ngalan ng Pamahalaan ng U.S. o ng isang pangunahing contractor ng Pamahalaan ng U.S. o subcontractor (sa anumang antas), alinsunod sa 48 C.F.R. 227.7202-4 (para sa mga pagkamit ng Department of Defense (DOD)) at 48 C.F.R. 2.101 at 12.212 (para sa mga pagkamit na hindi sa DOD), ang mga karapatan ng Pamahalaan sa Software, kasama ang mga karapatan nitong gamitin, baguhin, ipakopya, ipalabas, ipaganap, ipakita o ibunyag ang Software o Dokumentasyon, ay sasailalim sa lahat ng aspeto sa mga commercial na karapatan sa lisensiya at sa mga paghihigpit na ibinibigay sa Kasunduang ito.

15. TUNTUNIN at PAGWAWAKAS . Maaari itong wakasan ng alinmang partido sa Kasunduan anumang oras at para sa anumang dahilan.

Sa anumang pagwawakas o pag-expire ng Kasunduang ito, ititigil ng Google ang pagbibigay ng Serbisyo, at tatanggalin Mo ang lahat ng kopya ng UTM code ng Google Analytics mula sa lahat ng Pahina at bukod doon ay pasulat na patutunayan sa Google sa loob ng tatlong (3) araw nn negosyo ng gayong pagwawakas. Sakaling magkaroon ng anumang pagwawakas (a) mawawalan Ka ng karapatan sa anumang pag-refund sa anumang bayarin sa paggamit o sa anumang iba pang bayarin, at (b) anumang (i) natitirang balanse para sa Serbisyong ginawa hanggang sa petsa ng pagwawakas, at (ii) ang iba pang hindi nabayarang bayarin sa oras ng natitirang panahon sa Unang Termino ay agad na sisingilin at dapat bayaran nang buo at (c) ang lahat ng kasaysayan ng Iyong report data ay hindi Mo na magagamit maliban kung may ipinasok na kasunduan sa pagbili o mga serbisyong propesyunal para sa palitan at paglilipat ng gayong data bilang bahagi ng pagwawakas.

16. MGA PAGBABAGO SA MGA TUNTUNIN NG SERBISYO AT IBA PANG MGA PATAKARAN . Inilalaan ng Google ang karapatang palitan o baguhin ang anuman sa mga tuntunin at kundisyong nakapaloob sa Kasunduang ito o anumang patakarang ipinatutupad sa Serbisyo, sa anumang oras, sa pamamagitan ng pagpo-post ng bagong kasunduan sa site na matatagpuan sa www.google.com.ph/intl/tl/analytics (o sa gayong iba pang URL na maaring ibigay ng Google). Ikaw ang responsable sa regular na pagsusuri sa patakaran. Walang susog o pagbabago sa Kasunduang ito na paiiralin maliban kung (i) nasusulat at nilagdaan ng nararapat na pinahihintulutang kinatawan ng Google, (ii) natanggap Mo online ang mga na-update na tuntunin, o (iii) patuloy Mong ginagamit ang Serbisyo matapos mag-post ang Google ng mga update sa Kasunduan o sa anumang patakarang ipinatutupad sa Serbisyo.

17. SAMU'T SARING BAGAY; NAAANGKOP NA BATAS AT LUGAR . Hindi inoobliga ang Google sa pagganap mula dito hanggang sa punto kung saan ang pagganap ay maiiwasan, maaantala o mahahadlangan ng mga kadahilanang lagpas sa makatwirang pagkontrol. Ang Kasunduang ito (kabilang ang anumang susog na pasulat napagkasunduan ng mga partido) ay kumakatawan sa kumpletong kasunduan sa pagitan namin tungkol sa paksa nito, at humahalili sa lahat ng naunang kasunduan at pagkatawan sa pagitan ng mga partido. Kung may anumang probisyon ng Kasunduang ito na naipalagay na hindi maipatutupad sa anumang dahilan, babaguhin ang gayong probisyon hanggang sa puntong kinakailangan upang maipatupad ito sa maximum na hangganang pinapayagang maipatupad upang maipatupad ang layon ng mga partido, at ang natitirang kabuuan ng Kasunduang ito ay magpapatuloy nang may ganap na bisa at epekto. Pangangasiwaan at bibigyang kahulugan ang Kasunduang ito sa ilalim ng mga batas ng estado ng California nang walang pagsangguni sa salungatan ng mga prinsipyo ng batas. Sakaling magkaroon ng anumang salungatan sa pagitan ng batas ng ibang bansa, mga alituntunin, at mga regulasyon, at ng batas ng California, mga alituntunin, at mga regulasyon, ang batas ng California, mga alituntunin, at mga regulasyon ang mananaig at ipatutupad. Bawat partido ay sumasang-ayon na sumailalim sa eksklusibo at personal na hurisdiksiyon ng mga hukumang matatagpuan sa Santa Clara County , California . Ang Kapulungan ng Mga Nagkakaisang Bansa ukol sa Mga Kontrata para sa Internasyonal na Pagbebenta ng Mga Produkto at (United Nations Convention on Contracts for the International Sale of Goods) at ang Batas sa Pantay-pantay na Transaksyon ng Impormasyon sa Computer (Uniform Computer Information Transactions Act) ay hindi naaangkop sa Kasunduang ito. Ang Software ay kinokontrol ng Mga Regulasyon sa Pag-export ng U.S.), at hindi ito dapat ma-export o magamit ng mga bansa o taong pinababawalang makipagkalakalan. Ang anumang mga notice sa Google ay dapat ipadala sa: Google Inc., 1600 Amphitheatre Parkway, Mountain View , CA 94043 , USA , na may kopya para sa Legal Department, sa pamamagitan ng first class o air mail o overnight na courier, at ipinapalagay na naibigay sa pagkatanggap. Ang isang waiver ng anumang default ay hindi waiver ng anumang susunod na default. Hindi Mo maaaring italaga o kung hindi man ay ilipat ang anuman sa Iyong mga karapatan alinsunod sa mga tuntuning nabanggit dito nang walang naunang pasulat na pahintulot ang Google, at walang bisa ang anumang gayong pagtatangka. Ang ugnayan sa pagitan ng Google at Ikaw ay hindi tulad ng sa isang ugnayan ng legal na pagsososyo, ngunit ng sa isa sa mga independenteng contractor. Ipatutupad at sasanayin ang Kasunduang ito para sa pakinabang ng mga kaukulang tagapagmana at mga itinakdang partido nito. Ang mga sumusunod na seksyon ng Kasunduang ito ay mananatili sa kabila ng anumang pagwawakas na iyon: 1, 4, 5, 6 (maliban sa huling dalawang pangungusap), 7, 8, 9, 10, 11, 13, 15, at 17.