Impormasyon sa Kumpanya

Ang Kulturang Google

Bagaman mabilis na lumalago, nagpapanatili pa din ang Google ng isang pakiramdam bilang isang maliit na kumpanya. SA mga punong-himpilan na Googleplex ay halos lahat ng mga tao ay kumakain sa Google café (na kung tawagin ay "Charlie's Place"), umuupo sa kahit saang mesa na may bakante at nilalasap ang pakikipag-usap sa mga Googler mula sa iba’t-ibang mga departamento. Ang mga paksa ay magkakaiba mula sa mga mabababaw hanggang sa teknikal, at tuwing ang talakayan ay tungkol sa mga computer game o encryption o software sa paghatid ng patalastas, hindi nakakasorpresang makarinig na may magsasabing, "Isa iyang produkto na tinulungan kong ma-develop bago ako pumasok sa Google."

Ang pagbibigay-diin ng Google sa makabagong-likha at ang paninindigan nito sa pagtitipid ay nangangahulugan na ang bawat empleyado ay may direktahang kontribusyon. Hindi ganoon kasalimuot ang balangakas ng mga posisyon kumpanya at ang lahat ng mga tayo ay may iba’t-ibang mga papel na ginagampanan. Ang pang-internasyonal na webmaster na bumubuo ng mga holiday logo ng Google ay gumugol ng isang buong linggo sa pagsasalin ng buong site sa wikang Korean. Ang chief operations engineer ay isa ding lisensyadong neurosurgeon. Sapagkat napag-iisip ng lahat na sila ay may magkakaparehong kahalagahan bilang bahagi ng tagumpay ng Google, walang sinumang nag-aatubiling maapakan ang isang bossing habang naglalaro ng roller hockey.

Ang patakaran ng Google sa pagtanggap ng empleyado ay lubhang laban sa diskriminasyon at pinapaboran ang kakayahan kaysa sa karanasan. Ang resulta ay ang mga tauhan na sumasalamin sa pandaigdigang madla na pinagsisilbihan ng search engine. Ang Google ay may mga opisina sa buong mundo at ang mga sentro ng Google sa pag-inhinyero ay nag-aakit ng lokal na talento sa mga lokasyon nito mula Zurich hanggang Bangalore. Dose-dosenang mga wika ang sinasalita ng mga tauhan ng Google, mula Turkish hanggang Telugu. Kapag wala sa trabaho, may mga iba’t-ibang pinagkakaabalahan ang mga Googler mula sa cross-country cycling hanggang sa pagtikim ng mga alak, mula sa paglipad hanggang sa frisbee. Habang pinapalawak ng Google ang development team nito, patuloy itong naghahanap ng mga taong mayroon ding masidhing paninindigan sa pagbuo ng pagiging perpekto sa paghahanap at lubos na nasisiyahan habang ginagawa ito.

Tungkol sa Googleplex

Ang gusali ng pandaigdigang punong-himpilan ng Google ay nasa Mountain View, California, na hindi gaano kalayuan sa Shoreline Regional Park wetlands. Bagaman hindi lahat ng mga opisina ng Google sa buong mundo ay may pare-parehong laman, narito ang ilan sa mga mahahalagang sangkap na tumutukoy sa isang lugar na pagtatrabahuan sa Google:

• Mga Palamuti sa Lobby - Piano, mga lava lamp, at live projection ng mga kasalukuyang query sa paghahanap mula sa buong mundo.

• Mga Palamuti sa Pasilyo - Mga bisikleta at malalaking mga gomang exercise ball sa sahig, mga ginupit na dyaryo’t babasahin mula sa buong mundo na nakapaskil sa mga bulletin board. Maraming mga Googler na nakatayo at nagtatalakay ng mga matalinhagang isyu sa mga IP address at kung paano bumuo ng mas mahusay na spam filter.

• Mga Opisiyna ng mga Googler – Ang mga Googler ay nagtatrabaho sa mga hitik na tumpok na may kapuna-punang pagkakapareho ng setup ng aming server, na may tatlo o apat na mga tauhan na nakikipaghati ng espasyo sa mga sopa at aso. Pinagbubuti nito ang pagdaloy ng impormasyon at nakakatipid sa mga bayarin sa pagpapainit.

• Mga kagamitan – Karamihan sa mga Googler ay may mga malalakas na Linux OS workstation sa kani-kanilang mga desktop. Sa mga sinaunang araw ng Google, ang mga mesa ay mga kahoy na pinto na pinatong sa dalawang mga bangko. Ang ilan sa mga ito ay ginagamit pa din sa pangkat ng mga inhinyero.

• Mga Pasilidad sa Paglilibang – Silid sa pag-ehersisyo na may mga weights at rowing machine, mga locker room, hugasan at dryer, massage room, iba’t-ibang mga larong video, Foosball, baby grand piano, pool table, ping pong, roller hockey nang dalawang beses sa isang linggo sa parking lot.

• Google Café – Malulusog na tanghalian at hapunan para sa lahat ng mga tauhan. Kabilang sa mga himpilan ang "Charlie’s Grill," "Back to Albuquerque," "East Meets West" at "Vegheads." Upuan sa labas para pagmumuni-muni habang may-araw.

• Mga Snack Room – Mga lalagyang siniksik ng iba’t-ibang mga cereal, gummi bears, M & Ms, toffee, licorice, kasoy, yogurt, carrots, sariwang prutas at iba pang mga meryenda. Dose-dosenang iba’t-ibang mga inumin kabilang ang sariwang juice, soda at capuccinong ikaw ang bahalang gumawa.

• Pinaka-cool na makikita sa tour – Isang tatlong-dimensyong umiikot na imahe ng mundo na permanenteng ipinapakita sa isang malaking large flat panel monitor sa opisina ng inhinyerong bumuo nito. Ito ay espesyal sapagkat kapag pinagana mo ang switch ay makikita mo ang mga punto ng ilaw na kumakatawan sa mga real-time na paghahanap na umaangat mula sa mundo papunta sa kalawakan, na may angkop na kulay ayon sa wika. Paganahin mo ulit ang switch at makikita mo ang mga daloy ng trapiko apra sa buong Internet. Sulit na puntahan sa ikalawang palapag.

• Pinakamalapit na 24 hour na tindahan ng doughnut - Krispy Kreme, Mountain View, CA.