Impormasyon sa Kumpanya

Ang aming Pilosopiya

Huwag kailanman masisiyahan sa pinakamahusay
"Ang perpektong search engine," ayon sa Google co-founder na si Larry Page, "ay makakaintindi kung ano mismo ang ibig mong sabihin at ibabalik sa iyo kung ano mismo ang gusto mo." Kung ituturing ang katayuan ng kasalukuyang teknolohiya sa paghahanap, iyan ay isang lubhang pang-malayuang adhikan na nangangailangan ng pananaliksik, paglilinang at pagbabagong-likha upang makamit. Ang Google ay nakatuon sa pagsulong sa panibagong tatahaking iyon. Bagaman kinikilala bilang nangungunang kumpanya sa teknolohiya sa paghahanap sa mundo, ang layunin ng Google ay ang makapagdulot ng mas mataas na antas ng paninilbihan sa lahat ng mga naghahangad ng impormasyon, maging sila man ay nasa isang mesa sa Boston, kasalukuyang nagmamaneho sa Bonn, o naglalakad-lakad sa Bangkok.

Sa layong iyon, patuloy na nagsumikap ang Google upang makapagdulot ng panibagong-likha at pinagbuti nito ang mga limitasyon ng kasalukuyang teknolohiya upang makapagdulot ng isang mabilis, wasto at madaling-magamit na serbisyo sa paghahanap na maaaring mapuntahan mula sa kahit saan. Upang lubos na maunawaan ang Google, makakatulong na maunawaan ang lahat ng mga paraan kung saan ay nakatulong ang kumpanya upang muling matukoy kung paano itinuturing ng mga indibidwal, negosyo at dalubhasa ng teknolohiya ang Internet.

Sampung mga bagay na napag-alaman ng Google bilang totoo

1. Pagtuunan mo ang gumagamit at susunod na ang lahat.

Mula sa pagkakabuo nito, nakatuon na ang Google sa pagdudluot ng pinakamahusay na karanasan sa gumagamit hangga’t maaari. Bagaman maraming mga kumpanya ang nagsasabing inuuna muna nila ang kanilang mga parokyano, kakaunti ang nakakapigil sa tukso na masagawa ng mga maliliit na sakripisyo upang madagdagan ang shareholder value. Patuloy na tumanggi ang Google na magsagawa ng anumang pagbabago na hindi nagdudulot ng benepisyo sa mga gumagamit na dumarating sa site nito.

• Ang interface ay malinaw at simple.
• Agad na naikakarga ang mga pahina.
• Hindi kailanman ibinebenta sa kahit kanino ang mga pagkakapuwesto sa mga resulta sa paghahanap.
• Ang pagpapatalastas sa site ay kailangang maghandog ng mga may-kaugnayang nilalaman at hindi dapat maging isang tagapagnakaw ng pansin.

Sa pamamagitan ng pagbibigay ng nauunang kahalagahan sa mga interes ng gumagamit, itinaguyod ng Google ang pinaka-tapat na pangkat ng mga madla sa web. At ang paglago na iyon ay hindi nanggaling sa mga kampanya ng patalastas sa telebisyon, ngunit sa pamamagitan ng magagandang kuwento na inilalahad ng isang nasisiyahang gumagamit papunta sa isa pa.

2. Pinakamainam na gawin ang isang bagay na lubhang napakahusay.

Tunay ngang naghahanap ang Google. Taglay ang isa sa pinakamalaking mga pangkat sa pananaliksik sa mundo na eksklusubong nakatutok sa paglutas ng mga problema sa paghahanap, alam namin na magaling kami, at alam namin na mas may igagaling pa kami. Sa pamamagitan ng pagpapaulit-ulit na pagpasada sa mga mahihirap na suliranin, nakaya naming lutasin ang mga kumplikadong isyu upang makapagdulot ng patuloy na pagpapatubi sa isang serbisyo na itinuturing nang pinakamahusay sa web pagdating sa paghahanap ng impormasyon sa isang mabilis at walang-putol na karanasan para sa milyon-milyong mga gumagamit. Ang aming pagtuon sa pagpapabuti sa paghahanap ay nakapagbigay-daan din sa amin upang maipatupad kung ano ang aming natutunan ukol sa mga bagong produkto, kabilang ang Gmail, Google Desktop, at Google Maps. Habang patuloy kaming bumubuo ng mga bagong produkto* habang pinapabuti ang paghahanap, umaasa kaming maidulot ang kapangyarihan ng paghahanap sa mga larangan na hindi pa dati nabisita, at upang makapagdulot sa mga gumagamit ng kakayahang makakuha at makagamit ng mas marami pang patuloy na dumaraming impormasyon sa kani-kanilang mga buhay.

3. Ang mabilis ay mas mainam kaysa sa mabagal.

Naniniwala ang Google sa instant gratification o agarang pagkasiya. Kailangan mo ng mga sagot at kailangan mo na ang mga iyon ngayon. Sino ba tayo upang makipagtalo? Ang Google ay maaaring ang tanging kumpanya sa mundo na ang inilahad na layunin ay ang mapaalis ang mga gumagamit nito mula sa website nito sa lalong madaling panahon. Sa pamamagitan ng masidhing pagtutok sa pagtanggal ng bawat labis na bit at byte mula sa aming mga pahina at pagdaragdag ng kahusayan ng aming serving environment, nalampasan ng Google ang mga sarili nitong speed record nang paulit-ulit. Inisip ng iba na ang mga malalaking server ang pinakamahusay na paraan upang mapangasiwaan ang mga napakaraming bulto ng data. Napansin ng Google na ang mga naka-network na PC ay mas mabilis. Habang tinanggap ng iba na ang mga mistulang speed limit na inipataw ng mga search algorithm, ang Google ay nagsulat ng mga bagong algorithm na nagpatunay na walang mga limitasyon. At patuloy ang Google sa pagsusumikap na gawing mas mabilis ang lahat.

4. Gumagana ang demokrasya sa web.

Gumagana ang Google sapagkat umaasa ito sa mga milyon-milyong mga indibidwal na nagpapaskil ng mga website upang matukoy ang iba pang mga site na nag-aalok ng ma—kahalagahang nilalaman. Imbes na umasa sa isang pangkat ng mga editor o umasa lamang sa dalas ng paglabas ng ilang mga kataga, niraranggo ng Google ang bawat web page gamit ang isang makabagong pamamaraan na kung tawagin ay PageRank™. Sinusuri ng PageRank ang lahat ng mga site na may kaugnayan sa isang web page at pinaglalaanan nito ang mga ito ng isang halaga, batay na din nang bahagya sa mga site na naka-link sa mga ito. Sa pamamagitan ng pagtatasa sa kabuuang istruktura ng web, nagagawa ng Google na matukoy kung alin-aling mga site ang "naiboto" bilang mga pinakamahuhusay na pinagkunan ng impormasyon ng mga pinaka-interesado sa impormasyon na inihahandog nila. Sa totoo lang ang pamamaraan na ito ay lalong bumubuti habang lalong lumalaki ang web, sapagkat ang bawat bagong site ay isa pang punto ng impormasyon at isa pang botong maibibilang.

5. Hindi mo kailangang naroroon sa iyong mesa upang mangailangan ng isang sagot.

Ang mundo ay lalong nagiging mobile at hindi pumapayag na mapilit na manatili sa isang nakapirming lugar. Kung ito man ay sa pamamagitan ng kanilang mga PDA, sa kanilang mga wireless na telepono o kahit na sa kanilang mga sasakyan, nais ng mga tao na dumating ang impormasyon sa kanila. Kabilang sa mga makabagong-likha ng Google sa larangan na ito ang Google Number search, na nagpapabawas sa bilang ng mga pagpindot sa keypad na kinakailangan upang makahanap ng data mula sa isang cellular phone na gumagana sa web at isang diretsahang sistema sa pagsasalin na nagpapalit ng mga pahinang nakasulat sa HTML sa isang format na maaaring mabasa ng mga browser ng telepono. Ang system na ito ay nagpapabukas sa bilyon-bilyong mga pahina para mabasa mula sa mga aparato na hindi sana mababasa kung hindi dahil dito, kabilang ang mga aparatong Palm PDA at Japanese i-mode, J-Sky, at EZWeb. Hangga’t ang paghahanap ay malamang na makakatulong sa mga gumagamit na makakuha ng impormasyon na hinahanap nila, ang Google ay nagpapasimuno ng mga bagong teknolohiya at naghahandog ng mga bagong solusyon.

6. Maaari kang kumita nang hindi gumagawa ng masama.

Ang Google ay isang negosyo. Ang kinikita ng kumpanya ay nakukuha sa pag-aalok ng teknolohiya sa paghahanap nito sa mga kumpanya at mula sa pagkakabenta ng pagpapatalastas na ipinapakita sa Google at sa iba pang gma site sa web. Subalit, maaaring hindi ka pa nakakita ng isang patalastas sa Google. Ito ay sapagkat hindi pinapayagan ng Google na maipakita ang mga patalastas sa aming mga pahina ng resulta maliban kung ang mga ito ay may kinalaman sa pahina ng resulta kung saan sila ipinapakita. Kung may ilan lamang na paghahanap ang nakakabuo ng mga sponsored links sa itaas o sa bandang kanan ng mga resulta. Mariin na naniniwala ang Google na ang mga patalastas ay maaaring makapagdulot ng kapaki-pakinabang na impormasyon kapag, at kapag lamang, ang mga ito ay may-kinalaman sa bagay na nais mong matagpuan.

Napatunayan na din ng Google na ang pagpapatalastas ay maaaring maging mabisa nang hindi nagiging magarbo. Ang Google ay hindi tumatanggap ng pop-up advertising, na gumagambala sa iyong kakayahan na makita ang nilalaman na hiniling mo. Napag-alam namin na ang mga tekstong patalastas (AdWords) na may kinalaman sa taong nagbabasa ng mga ito ay nakakapagdulot ng lubhang mas maraming mga clickthrough kumpara sa mga patalastas na lumilitaw nang sapalaran. Ang pangkat ng Google sa pagsusulit ay nakikipagtulungan sa mga tagapagpatalastas upang mapagbuti ang mga dami ng clickthrough sa itatagal ng isang kampanya, sapagkat ang mga mararaming clickthrough ay isang patunay na ang mga patalastas ay may kinalaman sa mga interes ng isang gumagamit. Ang kahit sinong tagapagpatalastas, maging gaano pa man kaliit o kalaki, ay maaaring makinabang sa lubhang nakapuntiryang daluyan na ito, maging sa pamamagitan man ng aming self-service na programa sa patalastas na naglalabas ng mga patalastas sa online sa loob ng ilang mga minuto, o sa tulong ng isang kinatawan ng Google sa pagpapatalastas.

Ang pagpapatalastas sa Google ay laging malinaw na kinikilala bilang isang "Sponsored Link." May pangunahing halaga para sa Google na huwag kailanman ikompromiso ang integridad ng aming mga resulta. Hindi namin kailanman mamanipulahin ang mga pagraranggo upang mailagay ang aming mga kaakibat sa mataas na posisyon sa aming mga resulta sa paghahanap. Walang sinuman ang makakabili ng mas magandang PageRank. Pinagtitiwalaan ng aming mga gumagamit ang aming kaugalian na walang-kinikilingan at walang pansamantalang pakinabang ang makakapagdulot ng sapat na katuwiran upang malabag ang tiwala na iyon.

Libo-libong mga mananalastas ang gumagamit ng aming programa ng Google AdWords upang maisulong ang kani-kanilang mga produkto; naniniwala kami na ang AdWords ang pinakamalaking programa na ganitong klase. Bukod dito, libo-libong mga tagapamahala ng web site ang nakikinabang sa aming programang Google AdSense upang makapaghatid ng gma patalastas na may kinalaman sa nilalaman sa kani-kanilang mga site, na nagpapabuti sa kanilang kakayahan upang makabuo ng kita at mapagbuti ang karanasan para sa kani-kanilang mga gumagamit.

7. Palaging may matatagpuang karagdagang impormasyon.

Sa sandaling mas marami nang nai-indeks ang Google na HTML page sa Internet kumpara sa kahit aling serbisyo sa paghahanap, tumutko na ang mga inhinyero sa impormasyon na hindi gaano kadaling mapuntahan. Minsan ito ay mayroon lamang kinalaman sa pagsasanib ng mga bagong database, tulad ng pagdadagdag ng isang numero ng telepono at paghahanap ng address at ng isang direktoryo ng negosyo. Ang iba pang mga hakbangin ay nangailangan ng mas marami-rami pang pagkamalikhain, tulad ng pagdagdag ng kakayahan na mahanap ang bilyon-bilyong mga imahe at isang paraan upang makita ang mga pahina na orihinal na binuo bilang mga PDF file. Ang pagiging popular ng mga resulta sa PDF ay naging sanhi upang mapalawak namin ang listahan ng mga uri ng mga napaghahanapang file upang maisama ang mga dokumentong binuo sa dose-dosenang mga format tulad ng Microsoft Word, Excel at PowerPoint. Para sa mga wireless na gumagamit, nakabuo ang Google ng isang natatanging paraan upang magsalin ng mga file na naka-format sa HTML papunta sa isang format na maaaring mabasa ng mga aparatong mobile. Ang listahang ito ay malabong magwawakas sapagkat patuloy na naghahanap ang mga mananaliksik ng Google ng mga paraan upang maidulot ang lahat ng impormasyon sa mundo sa mga gumagamit na naghahanap ng mga kasagutan.

8. Ang pangangailangan para sa impormasyon ay tumatawid sa lahat ng mga hangganan.

Bagaman ang Google ay nakahimpil sa California, ang aming misyon ay ang makapagdulot ng kakayahan na mas mabilis na mapuntahan ang impormasyon para sa buong mundo, kung kaya’t may mga tanggapan kami sa buong mundo. Sa layong iyon ay nagpapanatili kami ng mga dose-dosenang Internet domain ay idinudulot namin ang higit sa kalahati ng aming mga resulta s amga gumagamit na nakatira sa labas ng Estados Unidos. Ang mga resulta sa paghahanap ng Google ay maaaring mairenda sa mga pahinang nakasulat sa higit sa 35 na mga wika ayon sa kagustuhan ng isang gumagamit. Naghahandog din kami ng isang tampok sa pagsasalin upang mapupuntahan ng mga gumagamit ang nilalaman kahit ano pa man ang kanilang katutubong wika at para sa mga nagnanais na maghanap nang gamit ang ibang wika bukod sa Ingles, ang interface ng Google ay maaaring ipasadya sa higit sa 100 mga wika. Upang mapabilis ang pagdagdag ng mga bagong wika, ang Google ay naghahandog sa mga boluntaryo ng pagkakataon na makatulong sa pagsasalin-wika sa pamamagitan ng isang automated tool na makukuha sa website ng Google.com. Ang prosesong ito ay lubos na nakapagpabuti sa pagkakasari-sari at pati na din sa kalidad ng serbisyo na naihahandog namin sa mga gumagamit kahit na sa mga pinakamalalayong sulok ng daigdig.

9. Maaari kang maging seryoso nang hindi nagsusuot ng isang suit.

Madalas na sinabi ng mga nagtayo ng Google na ang kumpanya ay hindi seryoso ukol sa anumang bagay bukod sa paghahanap. Bumuo sila ng isang kumpanya sa ideya na ang trabaho ay dapat na kahamon-hamon at ang hamon ay dapat na masaya. Sa layong iyon, ang kultura ng Google ay walang katulad sa mga kumpanya sa Amerika, at ito ay hindi dahil sa mga nagkalat na lava lamp at malalking bolang goma, o ang katunayan na ang tagaluto ng kumpanya ay ang dating tagaluto ng Grateful Dead. Kung paano inuuna ng Google ang mga gumagamit pagdating sa aming serbisyong online, ganoon din inuuna ng Google Inc. ang mga empleyado pagdating sa pang-araw-araw na pamumuhay sa aming mga headquarters sa Googleplex. Mayroong ibinibigay na diin sa mga nakakamit ng koponan at may pagmamalaki sa mga indibidwal na nakakamit na nakakatulong sa pangkalahatang tagumpay ng kumpanya. Ang mga ideya ay pinagpapalit-palit, sinusubukan at pinapatupad nang may nakakahilong sidhi. Ang mga pagpupulong na tumatagal ng ilang mga oras sa ibang lugar ay madalas ay walang masyadong pinagkaiba sa mga pag-uusap habang nakapila sa tanghalian at hindi masyadong magkakalayo ang mga nagsusulat ng programming code sa mga nagsusulat ng tseke. Ang lubos na mapag-usap na kapaligiran na ito ay nagdudulot ng isang pagiging produktibo at samahan na dulot ng pagkakatanto na milyon-milyong mga tao ang umaasa sa mga resulta ng Google. Bigyan mo ng mga angkop na kasangkapan ang isang grupo ng mga tao na nais na makapagdulot ng pagkakaiba, at maidudulot nila ito.

10. Ang mahusay ay hindi pa talaga sapat.

Laging magdudulot nang higit sa inaasahan. Hindi tinatanggap ng Google ang pinakamahusay bilang isang huling hantungan, ngunit bilang isang panimula. Sa pamamagitan ng makabagong-likha at pag-uulit-ulit, kinukuha ng Google ang isang bagay na gumagana nang maayos at pinagbubuti nito ito sa mga paarang hindi inaasahan. Ang paghahanap ay gumagana para sa mga salitang naibaybaya nang maayos, ngunit paano naman ang mga typo? Napansin ng isang engineer na may kailangang gawin tungkol dito at gumawa siya ng isang spell checker na tila nababasa kung ano ang nasa isip ng gumagamit. Masyado bang matagal upang maghanap mula sa isang teleponong WAP? Binuo ng aming pangkat ng wireless ang Google Number Search upang mabawasan ang mga kinakailangang pindutin mula sa tatlong pagpindot sa bawat titik upang maging iisa na lang. Gamit ang milyo—milyong mga gumagamit, agad na natutuklasan ng Google kung ano ang mga larangan na tila nagkakaproblema at inaayos nito ang mga ito. Subalit, ang kinaibhan ng Google ay ang kakayahan nitong agapan ang mga pangangailangan na hindi pa naipahiwatig ng aming pandaigdigang madla, at pagkatapos ay tinutustusan nito ang mga ito sa pamamagitan ng mga produkto at serbisyo na nagtataguyod ng mga bagong pamantayan. Sa paglaon, itong patuloy na hindi-pagkasiya sa mga bagay-bagay ang siyang naghihimok sa pinakamahusay na search engine sa mundo.

* Pag-update para sa ganap na pagbubunyag: Nang una naming isinulat ang "10 bagay" na mga ito na may apat na taon na ang nakakalipas, isinama namin ang pariralang "Ang Google ay walang ginagawang mga horoscope, pinansyal na payo o chat." Sa paglaon ay pinalawak na namin ang aming pagtanaw sa hanay ng mga serbisyong maaari naming maihandog –- ang paghahanap sa web, halimbawa, ay hindi lamang ang tanging paraan upang mapuntahan ng mga tao ang imporamsyon o magamit ito – at ang mga produkto na dati ay tila malabong mangyari ay ngayon ay mga pangunahin nang aspeto ng aming portfolio. Hindi ito nangangahulugan na pinalitan na namin ang aming pangunahing misyon; ang ibig sabihin lamang nito ay habang mas palayo kami nang palayo sa pagkamit nito, mas nagiging malinaw ang mga malalabong bagay na iyon (upang mapalitan, halimbawa, ng mga mas malalabong bagay).