Patakaran sa Privacy sa Mobile

Disyembre 1, 2009

Ang Patakaran sa Privacy ng Google at ang aming iba’t-ibang mga abiso sa privacy na ayon sa bawat produkto ay naglalarawan kung paano namin tinatrato ang personal na impormasyon tuwing gagamit ka ng mga produkto at serbisyo ng Google, kabilang ang anuman sa mga produkto at serbisyong mobile ng Google. Bukod dito, inilalarawan ng sumusunod ang aming mga kasanayan sa privacy sa mobile.

Impormasyong partikular sa mobile na aming kinokolekta

Karamihan sa impormasyong tumutukoy sa iyo na aming kinokolekta ay kung ano ang ipinapaalam mo sa amin tungkol sa iyong sarili. Halimbawa, ilan sa aming mga produkto at serbisyo ay nagbibigay-daan sa iyo upang makipag-ugnay at magbahagi ng personal na impormasyon at data sa iba. Ikaw ang pipili kung ano ang iyong nais ibahagi at kung paano mo ito ibabahagi.
Minsan, itinatala namin ang iyong numero ng telepono. Itinatala namin ang iyong numero ng telepono kapag ipinapadala mo ito sa amin; hinihiling mong tandaan namin ito; o kapag tumatawag ka, nagpapadala o nakakatanggap ng isang text message o SMS sa Google. Kung hihilingin mo kaming matandaan ang iyong numero ng telepono, iuugnay namin ang iyong numero ng telepono sa iyong Google Account, o, kung wala kang Google Account, sa iba pang katulad na account ID. Madalas ay binubuo namin ang account ID na ito batay sa mga ID ng iyong aparato at hardware, kaya't kung babaguhin mo ang iyong aparato o hardware, kailangan mong mai-ugnay ulit ang bagong device o hardware na ito sa iyong account bago ka namin mapapatunayan.
Kinokolekta namin ang ilang impormasyon sa mga kaganapan na nasa antas ng device, tulad ng mga pagkasira, at iuugnay iyon nang pansamantala sa iyong Google Account upang magbigay ng serbisyo sa customer.
Karamihan sa iba pang impormasyon na kinokolekta namin para sa mobile, tulad ng mga ID para sa iyong mga device at hardware at uri ng iyong device, uri ng hiling, carrier, user ID ng iyong carrier, nilalaman ng iyong kahilingan,at pangunahing mga istatistika tungkol sa iyong device at paggamit ng mga serbisyo at produkto ng Google ay hindi nag-uugnay sa iyo sa Google, bagama't maaari itong maging natatangi o naglalaman ng impormasyon na itinuturing mong personal. Gayunpaman, kung gumamit ka ng isang device na pinapagana ng Android, iuugnay ng Google ang iyong device id sa iyong Google Account upang magbigay ng mga serbisyo, tulad ng pagpapagana ng sync para sa iyong email at mga contact ng Google.
Kung gumagamit ka ng mga produkto at serbisyong pinagana ng lokasyon, tulad ng Google Maps para sa mobile, maaaring nagpapadala ka sa amin ng impormasyon sa lokasyon. Ang impormasyong ito ay maaaring magbunyag ng iyong aktwal na lokasyon, tulad ng GPS data, o maaaring hindi, tulad ng kapag nagsumite ka ng isang bahagyang address upang tumingin sa isang mapa ng lugar.
Kung gumagamit ka ng Google Latitude sa isang mobile device, bukod pa sa iba pang impormasyon at isama ito sa iyong Google Account.
Ang ilan sa aming mga produkto at serbisyo ay nagbibigay-daan sa iyo upang i-download at/o i-personalize ang nilalaman na iyong natatanggap mula sa amin. Para sa mga produkto at serbisyong ito, itatala namin ang impormasyon tungkol sa iyong mga download at kagustuhan, kasama ang anumang impormasyon na iyong binigay (tulad ng listahan ng iyong mga stock upang i-personalize ang iyong mga listahan ng stock). Kung kinakailangan ng produkto o serbisyo na mag-log in gamit ang Google Account, ang impormasyong ito ay mauugnay sa iyong Google Account.
Kung gagamitin mo ang Google upang mag-transcode, o mag-format, ng mga pahinang hindi pang-mobile upang maipakita ang mga ito nang wasto sa iyong device, kailangan naming ipadala ang iyong hiling sa mga server ng Google upang mai-format. Ang ibig sabihin nito ay itatala namin ang mga hiling na ito, na sa pangkalahatan ay para sa materyal na hindi sakop ng mga site ng Google.
Para sa mga produkto at serbisyo na may mga kakayahang makakilala ng boses, kinokolekta at iniimbak namin ang kopya ng voice input na ginawa mo sa produkto o serbisyo. Upang mapabuti ang pagproseso ng iyong voice input, maaari rin naming ipagpatuloy na i-rekord sa pansamantalang memory ang ilang segundo ng pumapalibot na ingay sa background. Ang pag-record na ito ay pansamantala lamang mananatili sa device at hindi ito ipapadala sa Google.

Mga Paggagamitan

Ginagamit namin ang iyong impormasyon upang iproseso at i-personalize ang iyong mga kahilingan. Ginagamit din namin ang impormasyon para sa pagsuporta, upang makabuo ng mga bagong tampok, at upang pagbutihin ang kabuuang kalidad ng mga produkto at serbisyo ng Google.
Maaari din naming gamitin ang impormasyon upang ipakita sa iyo ang isang kasaysayan ng iyong aktibidad, upang mabigyan ka ng istatistika tungkol sa iyo o sa iyong paggamit ng aming produkto o serbisyo, o upang mabigyan ka ng isang mas mahusay na karanasan bilang gumagamit.
Kung bibili ka ng isang bagay sa pamamagitan ng mga produkto at serbisyo ng Google, maaari rin naming gamitin ang iyong impormasyon upang singilin ka at pangasiwaan ang mga di-pagkakasundo sa paniningil.

Pagbabahagi ng impormasyon at pasulong na paglilipat

Ang lahat ng mga hiling ay kailangang ipadala sa pamamagitan ng network ng iyong mobile carrier at kailangan ay may access dito ang iyong carrier. Para sa impormasyon ukol sa kung paano panghawakan ng iyong carrier ang iyong impormasyon, mangyaring kunsultahin ang mga patakaran sa privacy ng iyong carrier.
Kung magpapasya kang gamitin ang mga application na third party sa iyong device, ang anumang impormasyon na makokolekta ng mga application na iyon ay maaaring maipadala sa mga third party at hindi malalapat ang mga patakaran sa privacy ng Google. Gayunpaman, maaaring magkaroon ng sarili mga patakaran sa privacy ang mga application na dapat mong suriin.
Maaari naming ibahagi ang iyong impormasyon sa ilang mga third party na ginagamit namin upang magsagawa ng ilang mga pag-andar, tulad ng para sa paniningil at text message o paghahatid ng SMS. Kakailanganing tratuhin ng mga third party ang iyong impormasyon alinsunod sa mga nalalapat na patarakan sa privacy ng Google. Maaaring magbahagi rin kami ng ilang impormasyon sa iyong wireless operator upang magsagawa ng mga pagpapagana ng serbisyo sa customer.
Ang ilan sa aming mga produkto at serbisyo ay nagbibigay-daan sa iyo upang makipag-ugnay at magbahagi ng iyong impormasyon sa iba. Mangyaring pag-isipan nang maigi bago magbunyag ng anumang personal na impormasyon o data na maaaring ma-access ng iba.

Ang iyong mga pagpipilian

Ang ilan sa aming mga produkto at serbisyo ay nagbibigay-daan sa iyo upang huwag sumali sa ilang pangongolekta at pagbabahagi ng impormasyon o huwag sumali sa ilang mga produkto, serbisyo o tampok. Ang bawat produkto ay may isang pahina ng tulong na naglalarawan sa mga ito at sa iba pang mga pagpipilian.

Higit pang impormasyon

Ang Google ay sumusunod sa mga prinsipyo sa privacy ng US Safe Harbor. Para sa higit pang impormasyon tungkol sa Safe Harbor framework o aming pagrehistro, tingnan ang website ng Department of Commerce.

Karagdagang impormasyon tungkol sa iba't ibang mga produkto at serbisyo sa mobile ng Google ay magagamit sa mobile.google.com.ph.

Para sa higit pang impormasyon tungkol sa mga kasanayan sa privacy, pumunta sa ganap na patakaran sa privacy. Para sa mga katanungan hinggil sa produkto o sa iyong account, pakitingnan ang pahina ng Tulong sa Google.