Patakaran sa Privacy sa Mobile

Nobyembre 10, 2008

Inilalarawan ng Patakaran sa Privacy ng Google at ng iba't ibang mga nakatukoy sa produktong abiso sa privacy kung paano namin tinatrato ang personal na impormasyon kapag ginagamit mo ang mga produkto at serbisyo ng Google, kabilang ang mga mobile na produkto at serbisyo ng Google. Bilang karagdagan, inilalarawan ng sumusunod ang mga gawi ng privacy sa mobile.

Impormasyong nakatukoy sa mobile na aming kinokolekta

• Kung ano ang iyong sinabi sa amin tungkol sa iyong sarili ang karamihan sa mga kinokolekta naming impormasyong kumikilala nang personal. Halimbawa, pinapayagan ka ng ilan sa aming mga produkto at serbsiyo na makisalamuha at magbahagi ng impormasyon at data sa iba. Iyong pinipili kung ano ang iyong nais na ibahagi at kung paano iyong nais na ibahagi ito.
• Minsan, inirerekord namin ang iyong numero ng telepono. Inirerekord namin ang iyong numero ng telepono kapag iyong ipinapadala ito sa amin; hinilingan kaming tandaan ito; o nagsasagawa ng pagtawag o nagpapadala ng text message o SMS patungo o mula sa Google. Kung iyong hiniling sa aming tandaan ang iyong numero ng telepono, iuugnay namin ang iyong numero ng telepono sa iyong Google Account, o kung wala kang Google Account, sa ibang katulad na account ID. Kadalasan naming binubuo ang account ID na ito batay sa iyong mga ID ng aparato at hardware, kaya kung iyong babaguhin ang iyong aparato o hardware, iyong kakailanganing muling iugnay ang bagong aparatong ito o hardware sa iyong account bago ka namin patotohanan.
• Hindi ka kinikilala sa Google ng karamihan sa ibang impormasyong kinokolekta namin para sa mobile, gaya ng iyong mga ID ng aparato o hardware, uri ng kahilingan, ng iyong carrier, ng iyong ID ng gumagamit ng carrier at ang nilalaman ng iyong kahilingan, bagamat maaaring natatangi ito o binubuo o naglalaman ng impormasyong itinuturing mong personal.
• Kung gumagamit ka ng mga produkto at serbisyong pinagana ng lokasyon, gaya ng Google Maps para sa mobile, maaaring nagpapadala ka sa amin ng impormasyon ng lokasyon. Maaaring ilahad ng impormasyong ito ang iyong aktwal na lokasyon, gaya ng data ng GPS o, maaaring hindi, gaya ng kapag nagsusumite ka ng hindi buong address upang tumingin sa mapa ng lugar.
• Pinapayagan ka ng ilan sa aming mga produkto o serbisyo na isapersonal ang nilalamang iyong natatanggap mula sa amin. Para sa mga produkto at serbisyong ito, itatala namin ang iyong mga kagustuhan at anumang impormasyong iyong ibibigay tungkol sa iyong sarili o sa iyong mga pinagkakainteresan (gaya ng listahan ng iyong mga stock upang isapersonal ang iyong mga listahan ng stock).
• Kung iyong ginagamit ang Google upang mag-transcode, o mag-format, ng mga di-mobile na pahina upang maipakita nang maayos sa iyong aparato, kailangan naming ipadala ang iyong kahilingan sa mga server ng Google para sa pag-format. Nangangahulugan itong irerekord namin ang mga kahilingang ito, na pangkalahatang para sa materyal na hindi saklaw ng mga site ng Google.
• Para sa mga produkto at serbisyong may mga kakayahang makakilala ng boses, kinokolekta at iniimbak namin ang kopya ng mga boses na utos na iyong ginagawa sa produkto o serbisyo. Upang mapabuti ang pagproseso ng iyong mga boses na utos, maaari rin naming tuluy-tuloy na irekord sa pansamantalang memory ang ilang segundo ng ingay sa likurang kapaligiran. Nananatili lamang ang rekord na ito sa aparato at hindi ipinapadala sa Google.

Mga Gamit

• Ginagamit namin ang iyong impormasyon upang iproseso at isapersonal ang iyong mga kahilingan. Ginagamit namin ang impormasyon para sa suporta,upang gumawa ng mga bagong tampok, at upang mapabuti ang kabuuang kalidad ng mga produkto at serbisyo ng Google.
• Maaari rin naming gamitin ang impormasyon upang ipakita sa iyong ang kasaysayan ng iyong aktibidad, upang bigyan ka ng istatistika tungkol sa iyo o sa iyong paggamit ng aming produkto o serbisyo o upang bigyan ka ng mas mainam na karanasan ng gumagamit.
• Kung bumili ka ng isang bagay sa pamamagitan ng Google, maaari rin naming gamitin ang iyong impormasyon upang singilin ka at hawakan ang mga hindi pagkakaunawaan sa pagsingil.

Pagbabahagi ng impormasyon at pasulong na paglipat

• Dapat na ipadala ang lahat ng mga kahilingan sa pamamagitan ng network ng iyong mobile carrier at maaaring magkaroon ng access dito ang iyong carrier. Para sa impormasyon ukol sa pagtrato ng iyong carrier sa iyong impormasyon, mangyaring konsultahin ang mga patakaran sa privacy ng iyong carrier.
• Maaari naming ibahagi ang iyong impormasyon sa ilang mga third party na ginagamit namin upang gumanap ng ilang mga gawain, gaya ng pagsingil at paghahatid na text message o SMS. Maoobliga ng kontrata ang mga third party na ito upang tratuhin ang iyong impormasyon nang naaayon sa mailalapat na mga patakaran sa privacy ng Google.
• Papayagan ka ng ilan sa aming mga produkto at serbisyo na makisalamuha at ibahagi ang iyong impormasyon sa iba. Mangyaring mag-isip nang mabuti bago magsiwalat ng personal na impormasyon o data na maaaring ma-access ng iba.

Ang iyong mga pagpipilian

• Pinapayagan ka ng ilan sa aming mga produkto at serbisyo na huwag sumali sa ilang pagtitipon at pagbabahagi ng impormasyon o huwag sumali sa ilang mga produkto, serbisyo o tampok. May pahina ng tulong ang bawat produkto na inilalarawan ang mga ito at ang iba pang mga pagpipilian.

Karagdagang impormasyon

Sumusunod ang Google sa mga prinsipyo sa privacy ng US Safe Harbor. Para sa karagdagang impormasyon tungkol sa balangkas ng Safe Harbor o sa aming pagrehistro, tingnan ang website ng Department of Commerce.

Makakukuha ng karagdagang impormasyon tungkol iba't ibang mga mobile na produkto at serbisyo ng Google sa mobile.google.com.ph.

Para sa karagdagang impormasyon tungkol sa aming mga gawi sa privacy, pumunta sa buong patakaran sa privacy. Para sa mga tanong na may kinalaman sa aming produkto o account, mangyaring tingnan ang pahina ng Google Help.